اليوم حبيت نحطلكم و صفة لقاطو سهل و بنين ياسر انا عندي عدة سنوات نديرو ولي يدوقو كامل يعجبو و يطلبو مني الوصفة هو يتقدم مع العصير بداو بسم الله
المقادير
9 بيضات
500غ زبدة لابال
500 غ سكر تكيليه بالباطة تاع الزبدة
500 غ فرينة
02 خميرة كيميائية
قرصة ملح
قرصة فاني بودر
اما القلاساج
500 غ نواد كوكو
500 غ شكولاطة
طريقة التحضير
نفصل البياض عن الصفار ونترك البياض علي جنب
نحط الصفار +قرصة الملح في العجانة انا ماعنديش درت في الروبو مازال ما وصلتناش الحضارة هههههههههههه
نخلطو شوية و نزيدوعليه الفاني و السكر حتي نتحصل علي خليط كريمي و يدوب السكر مليح
ثم نزيد الزبدة بالعقل حتي تتخلط مليح
تم الفرينة المخلوط معاها 02 خميرة
نتحصل علي خليط نوعا ما جاري هكا
نحطوه علي جنب و من بعد نطلعو بياض البيض مع شوية ملح
ونويدو للخليط الاول غير بلعقل من تحت الي الاعلي حتي يتجانس الخليط
وهدا شكل الصينية
و من بعد تدخل تطيب مت تحت 15د تو نشعل من فوق 5د ولا حتي يولي لونها دوري
نخليها تبرد شوية 10د تم نقطعها مربعات و لا مستطيلات كيام حبيتي وهدا لما قصيتها
و من بعد نمرغها في الشكولاطة الدايبة تو النواد كوكو و هدا شكلها من الداخل
والله بدون مجاملة راهي تهبل خفييييييييييييييييييييييييييييييييييفة تاكلي منها ما تشبعش
وهدا الصحن لاول واحدة ترد علي
نتمني نشوف تطبيقاتكم في اقرب وقت
و هدة الكمية تقطعلكم حتي 100 حبة يعني زاكي و اقتصادي +بنين
اسفة علي الصور لولين ماحبوش يخرجو مباشرة ماكونتش حابة نعيي هدوك ليدين لملاح تاع حراير المنتدي بصح لاغالب حاجة ماتجي بالساهل هههههههههههههه
